નયનની ઝીલમાં સપનાના કમળ ખીલતા રહ્યા
હર પાંદડીમાં તમને ઝાકળ બનાવી ઝીલતા રહ્યા
સાચવવા ભીનાશને પલકોના બંધ બાંધ્યા અમે
પણ ખુલી જો આંખ તો તમે વરાળ બની ઉડતા રહ્યા
ખબર છે કે ભુસાઈ જશે જે નામ લખ્યા છે રેત પર
તોં પણ તમારા નામ સાથે નામ અમારું લખતા રહ્યા
આમ તો અમારે સુરજ સાથે છે ઘણા સંભારણા પણ
ચાહત તમારી દિલમાં ભરી અમે ચાંદની પીતાં રહ્યા
રોજ રાત આવે મને મળવાની તલપ લાગ્યા કરે
સપનાની સોડમાં તમે રોજ મળીને જુદા થતા રહ્યા..
By Deepa Sevak
No comments:
Post a Comment