માનવીના જીવનમાં ક્યારેક એવું પણ થાય છે

                                                   

માનવીના જીવનમાં ક્યારેક એવું પણ થાય છે

સ્પર્શ થાય ફૂલોનો  અને  કાંટાઓ ભોંકાય  છે

તો વળી પાછુ કોક દીવસ એવું પણ થાય કે 

કાંટાના સ્પર્શે ફૂલની જેમ મહેકી જવાય છે

જિંદગીનો જંગ માનવી પળમાં જીતી જાય કે 

ફર્ક ફૂલ અને કાંટા વચ્ચે નો જયારે પરખાય છે 

જ્યોત દીવાની જોઇને બાળકનું મન લલચાય કે  

સ્પર્શ અગ્નિનો જલદ છે દાઝ્યા પછી સમજાય છે

દુનિયામાં દર્દ કોઈનું કોઈને આજે ક્યાં દેખાય છે

એહસાસ થાય દર્દનો જયારે જાતે અનુભવાય છે

પરિકલ્પનાઓ સ્વર્ગની કરતા રહ્યા સદીઓથીસૌ

 કોણ અહી જાણી શક્યું કે મૃત્યુ પછી શું થાય છે?

By Deepa Sevak