માનવાની વાતની સાબિતિઓ ધરતી નથી
"હું તને ચાહું છું"ની માળા હવે કરતી નથી
છો ને સુખચેન ખોવાયું તને ચાહ્યા પછી
દર્દની દોલત મળી છે એ કદી ખુટતી નથી
ઝંખના તુજ સાથની મીંચે ના આંખો એકપળ
ભોગ એના, ઊંઘ અરમાનોની પણ ઉડતી નથી
મેં કરી છે વાવણી વિશ્વાસની દિલથી સતત
પણ શું કરું કે એક હાથે તો તાલી પડતી નથી
આભ જેવું ઊંચુ તારી માન્યતાનું નાક છો!!
આંખ મારી પણ ધરાથી ઓછુ ખમતી નથી
એહસાસી ઓઢણી ઓઢ્યા પછી તુજ પ્રેમની
આ જગતના તાપથી દીપા જરી ડરતી નથી
(ગાલગાગા ગાલગાગા ગાલગાગા ગાલગા)
...દીપા સેવક.
