ઝરણા સરીખી છે ચાહત પણ ખાસ છે
પર્વતને પાણી પાણી કરુ, એ પ્રયાસ છે
ઉછળે નદી આંખોમાં, સાગર ભીતરે
તોયે સળગતા શ્વાસોનો ઉત્પાત છે
અરમાનના આસોપાલવ હું બાંધુ પણ
છે બારસાખ ઉંચી..ને ટૂંકા હાથ છે
તુટ્યો તરાપો પણ એ પાર ઉતારશે
હા આખરે તો એ કાસ્ટની જાત છે
આછી જ છે શક્યતા કે પામી શકુ તને
છે ઝાંઝવાની જાતનો, તોય ઉજાશ છે
આ ઓલવાતુ અંધારું કે'છે "દિપા"
કે રાખ ધીરજ, બસ ઢુંકડું જ પ્રભાત છે
...દીપા સેવક.
Monday 1 October 2018
Tuesday 21 August 2018
અરમાની સુરજ..
તારા આસપાસ હોવાના અહેસાસની ઝરમરથી ..
મારી આંખોમાં ઉગેલી કુણી કુણી લાગણી પર..
તે મદભરી નજર ફેરવી ત્યાં ...
બાઝી ગયા અપારદર્શક ઝાકળના થર..
અસમંજસતાના વાદળોને
ચીરીને ચમક્યા ..
અચાનક.. અસંખ્ય
અરમાની સુરજ..
જેના કિરણોના સ્પર્શથી જ ...
હું,તું ને અંધારુ બધ્ધુ.. ઝળહળ !!!..
...દીપા સેવક.
Friday 3 August 2018
યાદનું વાદળ...
મુજ આંખે ચોમાસું વાવ્યું
ભીતર તો ઉનાળો ભડકે
પણ પાંપણ, ઝાકળ લટકાવ્યું
સાંજપડે તું વ્હેવા લાગ્યો
રાત સુધી તો..,જો પુર આવ્યું
સપના સાથે રમવા કાજે
ઉંઘનેય કેટલુ લાડ લડાવ્યુ
અડધી રાતે સૂરજ ચમક્યો
જ્યાં તે સપને મુખ મલકાવ્યું
રોમેરોમથી તું છલકાયો
તો ખોબે ઝીલવુ ના ફાવ્યું
અનરાધારે વરસ્યો વિરહ,
ધખતું ભીતર વધુ ઝુલસાવ્યું
અંજાયેલી આંખો ઉઘડી
તો જુદાઈએ જોર જમાવ્યું
એક અધુરી ઈચ્છા વકરી
ખાલીપાએ ઘર ખખડાવ્યુ
એકલતાની સાંકળ ખખડી
રાતને જાણે ઝોકુ આવ્યું
દીપા' તરસથી તરબતર ભલે
પણ હજુ ધૈર્ય નથી ગુમાવ્યું
ધરતી જેવી ધીરજ રાખી
બસ એને સઘળુ અપનાવ્યું..
દીપા સેવક.
Wednesday 11 July 2018
પ્રીતની પરી...
જીંદગીએ એને માપવામાં ક્યાં કચાશ રાખી છે?
પણ પીડાઓની પીઠી ચોળી ત્યારથી
પ્રીતની પરીની રંગત નીખરવા લાગી છે..
સાંજે શૂન્યતાની શરણાઈ સાંભળી..
સંવેદના સિંદુર લગાવી
આંગણે આશનો દીવો પ્રગટાવી
સન્નાટાની સેજ સજાવી ઉભી..
ત્યાં ..તો..
સપનાએ હકીકતના ખભા પર હાથ મૂકી પૂછ્યું
આ ભરમના દીવામાં હજુ કેટલું તેલ બાકી છે?
અને હકીકત હસીને બોલી
અરે પાગલ...
જુદાઈની બળબળતી બપોરનો તાપ ઠારવા તો..
યાદની આંખેથી ટપકેલ એક જ આંસુની ભીનાશ કાફી છે..
અને તારી પાસે તો આખું સરોવર છે..
બસ પછી તો શું..
"દીપા" હવે હસીને જીવવા લાગી છે...😊
દીપા સેવક...
પણ પીડાઓની પીઠી ચોળી ત્યારથી
પ્રીતની પરીની રંગત નીખરવા લાગી છે..
સાંજે શૂન્યતાની શરણાઈ સાંભળી..
સંવેદના સિંદુર લગાવી
આંગણે આશનો દીવો પ્રગટાવી
સન્નાટાની સેજ સજાવી ઉભી..
ત્યાં ..તો..
સપનાએ હકીકતના ખભા પર હાથ મૂકી પૂછ્યું
આ ભરમના દીવામાં હજુ કેટલું તેલ બાકી છે?
અને હકીકત હસીને બોલી
અરે પાગલ...
જુદાઈની બળબળતી બપોરનો તાપ ઠારવા તો..
યાદની આંખેથી ટપકેલ એક જ આંસુની ભીનાશ કાફી છે..
અને તારી પાસે તો આખું સરોવર છે..
બસ પછી તો શું..
"દીપા" હવે હસીને જીવવા લાગી છે...😊
દીપા સેવક...
Wednesday 11 April 2018
જાણું છું કે..
હા ..હું સારી રીતે જાણું છું કે..
સર્વગુણ સંપન્ન હું નથી..
ખામીઓ..હશે..ને..
ઘણી બધી હશે..
મારામાં...તારામાં...
પણ... ચાલને એકબીજાની..
ખામીઓ અવગણી
ખૂબીઓ જોઇને જીવીએ..
કે..
રોશની મારી..
નથી પુરતી તારા માટે સમજુ છું..
હા... નથી આભનો ચાંદ હું..
કે વાર ને તિથી પ્રમાણે ચમકુ...
પણ... એ દીવો છું
જે બસ તારા માટે જ પ્રગટું છું..
ને તને અજવાળવા આઠે પ્રહર સળગુ છું...
...દીપા સેવક.
સર્વગુણ સંપન્ન હું નથી..
ખામીઓ..હશે..ને..
ઘણી બધી હશે..
મારામાં...તારામાં...
પણ... ચાલને એકબીજાની..
ખામીઓ અવગણી
ખૂબીઓ જોઇને જીવીએ..
કે..
રોશની મારી..
નથી પુરતી તારા માટે સમજુ છું..
હા... નથી આભનો ચાંદ હું..
કે વાર ને તિથી પ્રમાણે ચમકુ...
પણ... એ દીવો છું
જે બસ તારા માટે જ પ્રગટું છું..
ને તને અજવાળવા આઠે પ્રહર સળગુ છું...
...દીપા સેવક.
Wednesday 4 April 2018
તારી યાદ
આ ધડીયાળ નો કાંટો
લાગે ખોડંગાતો..
જયારે તારા આવવાના..
વાયદે અટવાતો ..
લાગે ખોડંગાતો..
જયારે તારા આવવાના..
વાયદે અટવાતો ..
આ સમય..
ભલે ધીમેથી વહેતો
તારા વિરહમાં એની
હરચાલ હું વધાવું છું..
ભીડમાં કે એકાંતમાં..
તારી યાદ મને હંફાવે..
હું સમયને હંફાવું છું..
ભલે ધીમેથી વહેતો
તારા વિરહમાં એની
હરચાલ હું વધાવું છું..
ભીડમાં કે એકાંતમાં..
તારી યાદ મને હંફાવે..
હું સમયને હંફાવું છું..
...દીપા સેવક.
માછલી હું ઝાંઝવાના જળની ...
છો મળ્યું સંબંધમાં રણ, રેતમાંએ મોતી ગોતી લઉ છું
માછલી હું ઝાંઝવાના જળની તરસ પી ને તૃપ્ત થઉ છું
રાતપાળી સુરજ કરે આંખોમાં, તોયે ભીતર છે અંધારૂ
તે જે ભરમનાં દીવા ધર્યા, એને આંજીને ઉજળી રઉ છું
મહેફિલ મન મારું મૂંઝવતી,સન્નાટાની સોબત ગમતી
એથી આજકાલ તારી આંખમાં ઝાંખું તો છળી જઉ છું
આંસુ,અવહેલનાને અગન બધુ પચાવ્યું હસતા હસતા
પણ તારું નકલી હાસ્ય જોયા પછી સાવ તૂટી જઉં છું
'દીપા' નથી મેલતી ઓછપ કઈ લાગણીની વાવણીમાં
પછી મ્હોરે કે મુરઝાય, સઘળું સંજોગ પર છોડી દઉં છું.
...દીપા સેવક.
માછલી હું ઝાંઝવાના જળની તરસ પી ને તૃપ્ત થઉ છું
રાતપાળી સુરજ કરે આંખોમાં, તોયે ભીતર છે અંધારૂ
તે જે ભરમનાં દીવા ધર્યા, એને આંજીને ઉજળી રઉ છું
મહેફિલ મન મારું મૂંઝવતી,સન્નાટાની સોબત ગમતી
એથી આજકાલ તારી આંખમાં ઝાંખું તો છળી જઉ છું
આંસુ,અવહેલનાને અગન બધુ પચાવ્યું હસતા હસતા
પણ તારું નકલી હાસ્ય જોયા પછી સાવ તૂટી જઉં છું
'દીપા' નથી મેલતી ઓછપ કઈ લાગણીની વાવણીમાં
પછી મ્હોરે કે મુરઝાય, સઘળું સંજોગ પર છોડી દઉં છું.
...દીપા સેવક.
પ્રોમિસ..
સાચું કહું છું..
તારા પ્રેમની શીતલ છાયા હશેને તો..
જીવનની બળબળતી બપોરમાંય
તારી સાથે ખુલ્લા પગે..
સ્હેજ પણ ફરિયાદ વગર હું ચાલીશ
પ્રોમિસ..પણ..
તાપ આવો આકરો
તારાથી સહેવાય નહિ કહી..
લાગણીઓ ને મારી..
આમ જીવતી ના બાળીશ.. દીપા સેવક.
તારા પ્રેમની શીતલ છાયા હશેને તો..
જીવનની બળબળતી બપોરમાંય
તારી સાથે ખુલ્લા પગે..
સ્હેજ પણ ફરિયાદ વગર હું ચાલીશ
પ્રોમિસ..પણ..
તાપ આવો આકરો
તારાથી સહેવાય નહિ કહી..
લાગણીઓ ને મારી..
આમ જીવતી ના બાળીશ.. દીપા સેવક.
Friday 16 March 2018
એક સવાલ...
પડઘાયો એક સવાલ..
હું તને ચાહું છું?
હા ચાહું છું..ને..ખુબ ચાહું છું ...
અંતરના ઊંડાણથી ચાહું છું..
રગરગમાં તું વહે છે...
શ્વાસોશ્વાસમાં તું રહે છે ..
આંખ ખુલે ને ત્યારથી...
તે ...આંખ બંધ થાય ત્યાં સુધી...
તું જ ...હોય છે ...
મારી આસપાસ..મારી ભીતર ..
મારા વિચારમાં ..મારા વહેવારમાં...
બધાને તું સ્પષ્ટ દેખાય છે ...
સવારથી સાંજ સુધી ..સાંજથી સવાર સુધી ..
બસ તને રીઝવવા મથ્યા કરું છું ...
સફળતા..અસફળતા વચ્ચે
ગણના..અવગણના વચ્ચે
સતત અવિરત અથડાયા કરું છું ..
લે મળી ગયો જવાબ ...
એકદમ સાચ્ચી વાત ...
હા.. તને ખુબ ચાહું છું...
પણ હવે એ સવાલ સતાવે છે કે ..
શું હું મને ચાહું છું?..
નિ:શબ્દ ...નીરુતર ..છે અંતર
નિ:શબ્દ ...નીરુતર ..છે અંતર
Friday 16 February 2018
જુદાઈના શહેરમાં..
હા.. મારામાં તારાપણું
છલકે છે ભારોભાર ..
પણ...
આ જુદાઈના શહેરમાં ..
છે સન્નાટાની સરકાર ..
ખાલીપણાના ખોરડે,
થ્યો એકાંતને વસ્તાર..
જેને ઉછેરવામાં એનો હવે..
વીતી જશે અવતાર..
તારી યાદના સંસર્ગમાં
આવી ..
લે વાંઝીયામેણું તો ટળ્યું..
શૂન્યતાના શોરથી..
ગાજી ઊઠ્યા છે ઘરબાર..
Wednesday 7 February 2018
જરુરી તો નથી હોતું
જે મનમાં હોય એ બધુ કે'વુ જરુરી તો નથી હોતું..
સતત બોલી વરસતા રે'વુ જરૂરી તો નથી હોતું..
જે સમજે છે તને,એને તો સમજાવવુ નથી પડતુ,
ને ના સમજે એ સમજે'વુ, જરૂરી તો નથી હોતું..
જો રેતમાં સંઘરી ભીનાશ, ઓટને પણ જો અપનાવી,
કે ભરતીમાં જ હરખે તું જરૂરી તો નથી હોતું..
બે હોઠો વચમાં ભીંસાયા જે શબ્દો,આંખમાં પડઘાય,
એ સૌને સંભળાયે'વું જરૂરી તો નથી હોતું..
આ અવગણનાની વાગે શુળ ને લોહીઝાણ થાયે ઉર
તો પણ 'દીપા' ના કઇ શીખે'વુ જરૂરી તો નથી હોતું..
...દીપા સેવક.
સતત બોલી વરસતા રે'વુ જરૂરી તો નથી હોતું..
જે સમજે છે તને,એને તો સમજાવવુ નથી પડતુ,
ને ના સમજે એ સમજે'વુ, જરૂરી તો નથી હોતું..
જો રેતમાં સંઘરી ભીનાશ, ઓટને પણ જો અપનાવી,
કે ભરતીમાં જ હરખે તું જરૂરી તો નથી હોતું..
બે હોઠો વચમાં ભીંસાયા જે શબ્દો,આંખમાં પડઘાય,
એ સૌને સંભળાયે'વું જરૂરી તો નથી હોતું..
આ અવગણનાની વાગે શુળ ને લોહીઝાણ થાયે ઉર
તો પણ 'દીપા' ના કઇ શીખે'વુ જરૂરી તો નથી હોતું..
...દીપા સેવક.
Thursday 1 February 2018
તું મને પામી શકે...
અંતરાયો તો નથી કઈ, તું મને પામી શકે
તું જો મુજ ખામીઓને ખુબી ગણી ચાહી શકે
સાથ મારી ચાલવું કઈ એટલું અઘરું નથી
પણ જો તું છોડી અહમની આંગળી આવી શકે
છું છલોછલ, પ્રેમભીની વાદળીની જાત છું
ભીંજવી દઉ જો તું ખુલ્લા દિલથી અપનાવી શકે
હાથ પકડી પ્રીતનો કર ચાલવાનો વાયદો
તો પછી 'દીપા'નું મન પણ લાગણી વાવી શકે
એક સરખી ચાલ આ સમયની તો હોવાની નથી
હમકદમ થઇ ચાલ તું તો વ્હાલુ બધુ લાગી શકે
...દીપા સેવક.
તું જો મુજ ખામીઓને ખુબી ગણી ચાહી શકે
સાથ મારી ચાલવું કઈ એટલું અઘરું નથી
પણ જો તું છોડી અહમની આંગળી આવી શકે
છું છલોછલ, પ્રેમભીની વાદળીની જાત છું
ભીંજવી દઉ જો તું ખુલ્લા દિલથી અપનાવી શકે
હાથ પકડી પ્રીતનો કર ચાલવાનો વાયદો
તો પછી 'દીપા'નું મન પણ લાગણી વાવી શકે
એક સરખી ચાલ આ સમયની તો હોવાની નથી
હમકદમ થઇ ચાલ તું તો વ્હાલુ બધુ લાગી શકે
...દીપા સેવક.
આશા..
સાંજના પેલે કિનારે..
થથરતી રાતનો હાથ પકડી
બેઠેલુ એકાંત
તારા પગરવના અજવાળાની આશાએ
અધખુલી આંખે જાગતું રહ્યું આખી રાત
અને હું.. એને વળગીને
ઘસઘસાટ સુઈ ગઈ..
કે પામી શકું તને સપનામાં કદાચ!!!
..દીપા સેવક.
થથરતી રાતનો હાથ પકડી
બેઠેલુ એકાંત
તારા પગરવના અજવાળાની આશાએ
અધખુલી આંખે જાગતું રહ્યું આખી રાત
અને હું.. એને વળગીને
ઘસઘસાટ સુઈ ગઈ..
કે પામી શકું તને સપનામાં કદાચ!!!
..દીપા સેવક.
Subscribe to:
Posts (Atom)