મને હતું કે આ જીવનનો દરિયો આસાનીથી તરી જવાશે
ક્યાં એવું કોઈ છે જીવનમાં જે ના હોય તો મરી જવાશે
પછી મિલન તારું થયુંને જિંદગી પળમાં પલટાઈ ગઈ
પુર ઉમટયા પ્રેમના લાગ્યું કે એમાં અવશપણે વહી જવાશે
નક્કી કર્યું કે સાવ ચુપ રહી તમાશો જિંદગીનો જોયા કરીશ
પણ તું જો આંખ મિલાવી આંખમાં પૂછશે તો બધું કહી જવાશે
અંદાજ બધા ખોટા પડ્યા જોશીએ જે હાથ જોઇને ભાખ્યા હતા
પણ તારી હસ્તરેખા ભળશે મારા હાથમાં તો બધું સહી જવાશે
એટલું અનિવાર્ય તો નહતું શ્વાસ લેવાનુંય લાગતું પહેલા, પણ હવે
ખાતરી છે કે આખરી શ્વાસે નામ તારું લઈશ તોય જીવી જવાશે
By Deepa Sevak