ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
નજરથી મારી તું જોઈ લે જોઉં તારી નજરથી હું
પ્રીતભરીઆ નજર આપણી દુનિયાથી છુપાવી દઈએ
ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
સપના મારા તું વાંચી લે વાંચું તારા સપનાને હું
સપના ચોરી એકબીજાના એને પુરા કરીએ
ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
દિલ માં મારા તું ઝાંખી જો ઝાંખું તારા દિલ માં હું
દિલ માં ઉતરી એકબીજાના દોષોને હરી લઈએ
ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
ભૂલો મારી તું ભૂલી જા ભૂલું તારી ભૂલોને હું
ભૂલો ભૂલી એકબીજાની નવી શરૂઆત કરીએ
ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
સાથને મારા તું માણી જો માણું તારા સાથને હું
સાથે રહીને જિંદગીની આ બાજી જીતી જઈએ
ચાલને સાથી આજે થોડું મનગમતું કરી લઈએ
આંખો આપણે એકબીજાની સાથે બદલી લઈએ
BY Deepa Sevak
No comments:
Post a Comment