દરિયાના કિનારે તારા સહારે ચાલવું છે મારે

                                       

દરિયાના કિનારે તારા સહારે ચાલવું છે મારે

મનમાં ભરીને દરિયાની ઠંડકને મહાલવું છે મારે

રહેજે આજનો આખો દિવસ તું મારી સાથે

સ્વીચ ઓફ કરી દે તારો મોબાઇલ આજે

દરિયાકાંઠાની ભીડમાં એકાંતને માણવું છે મારે

દરિયાના કિનારે તારા સહારે ચાલવું છે મારે 

ચાલ રેતીના ઢગલા કરી ઘર બનાવીએ 

એમાં કુવા ખોદી આપણા હાથ મિલાવીએ 

તને સાથે લઇ ફરી બચપણમાં જાવુ છે મારે

દરિયાના કિનારે તારા સહારે ચાલવું છે મારે 

તું નીચે બેસીજા જરા પાછળનો ઝૂકીને 

મને સુવું છે ખોળામાં તારા માથું મુકીને

આંખમાં ઉભરાતી સ્નેહભરતીમાં ડૂબવું છે મારે

દરિયાના કિનારે તારા સહારે ચાલવું છે મારે 

દુનિયા ને ભૂલી જઈએ ચાલ આપણે

મારી આંખો બોલે ને તારું હૈયું સાંભળે

સાનિધ્યને આમ સતત બોલતું રાખવું છે મારે 

દરિયાના કિનારે તારા સહારે ચાલવું છે મારે 

By Deepa Sevak