હું કોણ છું ની વ્યાખ્યા જો કોઈ પૂછે હું શું કહું?
હું નથી મારી રહી સજન તારી બન્યા પછી
એક નદીનું નામ હોય છે જ્યાં સુધી નોખી વહે
કોણ એને ઓળખી શકે સાગરમાં ભળ્યા પછી
રાતના અંધારમાં ચાંદનો રસ્તો સહુ જોયા કરે
ચાંદનીને કોણ પૂછે છે સુરજના ઉગ્યા પછી
અમથું અમથું કોઈ આવી આંખ ના ભીની કરે
પ્રેમના મતલબને મેં સમજ્યો તને મળ્યા પછી
રાધા નથી હું શ્યામ તારી કે જુદાઈમાં ઝૂર્યા કરું
ભક્તિ મારી મીરાની છે તારામાં સમાઈ જઈશ મર્યા પછી
તું સફરમાં સાથ છે તો હર મંજીલ ઘણી આસાન છે
કોઈ મુશ્કેલીનો ડર નથી હાથ તારો ઝાલ્યા પછી
By Deepa Sevak
By Deepa Sevak
No comments:
Post a Comment