ચોમાસું જોને ઓરડામાં ખીલ્યું

                                  

જયા રીમઝીમ વરસાદ શરુ થયોને

તારી આંખોએ કેવું ઈજન આ દીધું

જેમ વાદળાએ ઘેર્યું આકાશ

એમ તારી આરઝુએ મારું મન ઘેરી લીધું

એટલી વારમાં

તારી હથેળીના સંપુટમાં લઇ મારો ચહેરો

અચાનક એક ચુંબન તે લીધું

વાદળનો ગડગડાટ ભીતર જાગ્યોને,

આંખોએ મન ભરી વરસી દીધું

તારા પ્રેમના વરસાદમાં

એવીતો પલળી કે એક એક અંગ થયું ભીનું

બહાર ને ભીતર અનોખા બંને વરસાદે

જગાવ્યું જોને દર્દ ઝીણું ઝીણું

બહાર ભીની માટીની સોડમ

મારી ભીતર તારા શ્વાસની સોડમ

મહેકી ઉઠ્યું બધું ધીમું ધીમું

સજન મારું ચોમાસું જોને ઓરડામાં ખીલ્યું

By Deepa Sevak