કહ્યા વગર સમજી જાય મનની બધી વાત
એવી જાદુની લાકડી મારા પિયુજીની પાસ
સપનામાં દિન રાત પિયુની સંગ હું રમતી
ગમતી હું મુજને કારણ મારા પિયુને હું ગમતી
મામુલી હું માનુની મુજને બનાવી જેને ખાસ
એવી જાદુની લાકડી મારા પિયુજીની પાસ
પિયુજીના સ્પર્શે મારું મન વિહવળ બની જાય
વિહવળતા પણ એમના સ્પર્શથી જ દુર થાય
આંખોમાં જોઇને જાણીલે જે મારા મનની પ્યાસ
એવી જાદુની લાકડી મારા પિયુજીની પાસ
પીયુજીની આંખ દે મને પૂર્ણતાના ભાવ
અડક્યા વગર જે મારો ઓળખી લે તાવ
એવા પિયુની ધડકનમાં વસે છે મારા શ્વાસ
જે જગાવે મારો ડૂબેલો વિશ્વાસ ....
એવી જાદુની લાકડી મારા પિયુજીની પાસ
BY Deepa Sevak,
No comments:
Post a Comment