ખુશ્બુ તારા પ્રેમની જીવનના તાર ઝંકૃત કરી જાય છે
જયારે પ્રેમભરી આંખોથી તું મારી સામે મીઠું હસે છે
માળા તારા નામની બસ હૃદય જાપતું જાય છે
જરા સાંભળીને જો ધબકાર બસ તારું નામ કહે છે
આ બેસુરા શ્વાસની રીધમ સુરાવલી બની જાય છે
જયારે મનમાં મિલનની મધુર વાંસળી બજે છે
મનના ઉપવનના બધા મોગરા મહેકી જાય છે
જયારે જયારે તારા સ્પર્શનો મધુરો રસ ઝરે છે
ચોમાસું બારેમાસ રહે છે જયારે પ્રેમ થઇ જાય છે
જયારે વાલમ વાદળ બની અનરાધાર વરસે છે
નિરંતર વરસ્યા કરે છે...
By Deepa Sevak
No comments:
Post a Comment