હવે યાદ નથી કરવો એમ વિચારી હરપળે યાદ તને કરું છુ
સ્મરણ તારું ભૂલવાનું બહાનું કરીને હજુ પણ હું તને સ્મરું છુ
કાબુ એવો કર્યો છે દિલ પર તારી સ્મૃતિની ક્ષણોએ
એક એક ક્ષણમાં સમયની સાથે વિવશ થઇ સરુ છુ
સ્મરણ તારું ભૂલવાનું બહાનું કરીને હજુ પણ હું તને સ્મરું છુ
તૂટ્યું ડાળીએથી હવે જીવન જોઈએ ફૂલનું કેટલું?
એક એક પાંખડીએ ફૂલની સાથે વિવશ થઇ ખરું છું
સ્મરણ તારું ભૂલવાનું બહાનું કરીને હજુ પણ હું તનેજ સ્મરું છુ
યાદોને પૂરી દઈ દિલના ખાલી ઓરડે તાળું મારું
એક એક ધબકારે યાદોને સહારે વિવશ થઇ જીવું છું
સ્મરણ તારું ભૂલવાનું બહાનું કરીને હજુ પણ હું તનેજ સ્મરું છુ
મળે જો ક્યારેક ખબર મોતની, માની લેજે તું સાચું
એક એક ક્ષણે તારી જુદાઈમાં જીવતે જીવ મરું છું
સ્મરણ તારું ભૂલવાનું બહાનું કરીને હજુ પણ હું તનેજ સ્મરું છુ
By Deepa Sevak
No comments:
Post a Comment