શરમની કેદમાં બંધ છું હું,આવ આઝાદ કર મને
તારી ભીની એક નજર મારું મહેકાવે અંગેઅંગ
તારી ભીની એક નજર મારું મહેકાવે અંગેઅંગ
તું અમૃતભરી નજરથી બસ નવરાવ્યા કર મને
મનમાં ભરાયેલા મેહને મન મુકીને વરસાવ તું
સહેજેય રહુ ના કોરી અવિરત ભીંજવ્યા કર મને
ઝળહળી જશે મારા દિન-રાત તારા સાનિધ્યમાં
એજ હુંફાળા પ્રેમપાશમાં સતત જક્ડ્યા કર મને
કંગન,વીંટી, ઝાંઝર, ઝુમર, સઘળું તારો સ્નેહ છે
નિરંતર તારા સ્નેહાભુષણથી શણગાર્યાં કર મને
લે આપી દઉં ગગનના ચાંદને તારી હથેળીમાં
બસ જોઇને અરીસો મનમાં તું સંભાર્યા કર મને
હવાની એક લહેરખી કાનમાં ગણગણી વહી ગઈ
તું છે ફક્ત મારા માટે તારી કહી બોલાવ્યા કર મને
...દીપા સેવક...
No comments:
Post a Comment