એક માળાના મણકા બધા જ્યાં ત્યાં વિખરાઈ ગયા
સમયના સળગાવેલા તાપમાં સૌ સંબંધો શેકાઈ ગયા
માન્યું હતું કે જિંદગી હવે કાપશું એકમેકની હુંફમાં પણ
લાલચના સર્પ એવા ડસ્યા કે અંતરથી અંતર લંબાઈ ગયા
આપની વિદાયવેળા આગાહી હતી લાગણીના વરસાદની
પણ સ્વાર્થની આંધી એવી આવી કે વ્હાલ સૌ વિસરાઈ ગયા
કોને સુણાવું હું હૃદયના દર્દની અસહ્ય વેદના
આપ તો હવે વાદળોની પાર જઈ સંતાઈ ગયા
By Deepa Sevak
No comments:
Post a Comment