આગમન

અચાનક આવીને તું કંઈક કાનમાંકહી જાય છે

હવાની લહેરખીમાં મને તારો અવાજ સંભળાય છે

ચાહું પણ ના કરી શકું હું અવહેલના વરસાદની

વાદળ સામે જોઉં તો બસ તારી છબી દેખાય છે

તારા ખાયાલોથી થતી  ગરમાહટને શમાવવા 

ઠંડી ઠંડી બુંદો બની તું મને વીટળાઈ જાય છે

આશ્લેષમાં મને તારા ભીંજાતી કોઈ જોઈ જશે

મન મારું આવા વિચારમાં ખુદથી જ શરમાય છે

તું ક્યાંક નજીક છે એવો મનમાં આભાસ થાય છે 

તારા પહેલા મારા સુધી તારી ખુશ્બુ પહોચી જાય છે

ત્યાં અવાજ આવ્યો મને ઝાપો સહેજ ખખડવાનો

છે અસર પ્રેમનીજ કે હું સંભારું છું તનેને તું આવી જાય છે 

BY Deepa Sevak.