એકાંતવાસ

ડર નથી લાગતો હવે આ એકાંતવાસથી

તમારી યાદ કાયમના સાથી બનાવી ગઈ છે

અમર નહતું થવું એટલે અમૃત અમે ઢોળ્યા

આ જિંદગી ઝેર જાણી ને પચાવી ગઈ છે

જીવનના રણ હવે વેગે વટાવવા છે કે

ઝાંઝવાની પ્રીત અમને ફાવી ગઈ છે

ચાંદ ભલે શોભતો રહે તારા આકાશમાં

અમારી જિંદગી અમાસે વહેચાઈ ગઈ છે

રોશની જીવનમાં હવે આવે ના આવે

અંધારાથી આ નજર હવે ટેવાઈ ગઈ છે

જીવનમાં હવે ખુશીઓની આશ નથી કોઈ

આ કવનમાં જ બધી ખુશી સમાઈ ગઈ છે

By Deepa Sevak