એ સપનાની વાતો કરતા વીતાવીશું આખી રાત



ચોરીલે મારું સપનું મારી આંખોમાંથી તું આજ

એ સપનાની વાતો કરતા વીતાવીશું આખી રાત

જે હતું મારી આંખોમાં હવે તારા દિલમાં વસી જશે

સાંભળ ધડકન મારા દિલની મારું સપનું કહી જશે

નીકળીને મનની વાતો પહોચશે હોઠો પર આજ

એ સપનાની વાતો કરતા વીતાવીશું આખી રાત

સદા સાનિધ્ય તારું ઝંખે સાંજ પડે દિલ તરસે મળવા

ચાંદનીની મધુર છાયામાં મધુરમિલનની વાતો કરવા

જૂની યાદોની ચાદર ઓઢીને પ્રણય રાગ છેડીશું આજ

એ સપનાની વાતો કરતા વીતાવીશું આખી રાત

પ્રણયનું આ તોફાન ચડ્યું જે હવે કદી ના સજન થંભે

માણવી છે પાછી એજ જિંદગી જે હતી પ્રણયસફરના આરંભે

સિંદુરી સુરજ સજન ઉગાડીશું આપણી આંખોમાં આજ

એ સપનાની વાતો કરતા વીતાવીશું આખી રાત

By Deepa Sevak