રોજ તૂટતા સપનાઓની કરચોને ક્યાં સાચવું ,
પહેલાથી જ હૃદય મારું નકરું લોહી લુહાણ છે
તોય આંખો નથી થાકતી નવા સપના સજાવતા,
જેમ રોજ ડૂબીને ઊગવું એ સુરજની પહેચાન છે
ભલે આંસુની ઝાલર બનાવી પલકોને શણગારવી પડે
આમ પણ દર્દ એ પ્રેમનું માનીતું મહેમાન છે
રોગ લગાવ્યો જાણીને પછી ફરિયાદનું કારણ નથી
હવામહેલના તુટવાથી મન નાહક તું પરેશાન છે
માની લે જિંદગી તારી પણ એટલી આસાન નથી
એ કાંટાળી કેડીથી હવે તું રહ્યું ક્યાં અજાણ છે
મોહ રાખી સપનાનો જિંદગી વધુ વિકટ ના બનાવ તું
આખરે આ શરીરનું અંતિમ સરનામું સ્મશાન છે
BY Deepa Sevak
No comments:
Post a Comment